Sekretari i Përgjithshëm i Partisë Demokratike, Gazment Bardhi, është kthyer të flasë së sërish për të gjithë deputetë e PD që refuzuan të djegin mandatet.
I pyetur nga gazetarët se pse për Rudina Hajdarin, nuk u ndoq i njëjti shembull siç u bë me Myslym Murrizin të përjashtohet nga partia, Bardhi sqaroi se Rudina nuk është anëtare e PD, dhe për këtë arsye partia është mjaftuar ta largojë vetëm si anëtare të kryesisë.
“Është e qartë se nga sot ajo nuk përfaqëson më Partinë Demokratike në Parlamentin e Krimit dhe për pasojë nuk është më as anëtare e Këshillit Kombëtar të PDSH. Kaq mjafton!”.
Rudina është deputete, tashmë jo më e PD, por ndonjë përjashtim nga partia s’mund të bëhet pasi as që është anëtare e PD. Këtë e konfirmon numri dy i PD: “Në rastin e Rudina Hajdarit, çdo vendim statutor është i panevojshëm, sepse formalisht ajo nuk rezulton e regjistruar si anëtare e Partisë Demokratike”, – pohoi Bardhi.
