Sulmuesi me origjinë vlonjatë, Fiorin Durmishaj, zgjidhi kombëtaren greke para Shqipërisë, duke i zhgënjyer të gjithë. Në lidhje më rastin e Durmishajt ka folur edhe mbrojtësi i Skënderbeut, Kristi Vangeli.
Nëpërmjet një lidhje direkte me emisionin “Zona Gol” në “Supersport”, korçari zbuloi, se në vitin 2004, kur ishte pjesë e Arisit kishte marrë një ofertë për të përfaqësuar Greqinë në lojërat olimpike “Athinë 2004”, po e ka refuzuar.
“Kur kam qenë me ekipin e Arisit dhe pjesë e Shpresave të Shqipërisë, kam marrë një ofertë për të përfaqësuar Greqinë në lojërat olimpike “Athinë 2004”. Kam takuar drejtuesit e lartë dhe i dhashë përgjigjeve negative.
Për rastin Durmishaj mendoj se sulmuesi s’do jetë kurrë në 100% e tij me kombëtaren greke, me Shqipërinë do jepte shumë më shumë.
Mendoj se e shikon si një vlerë më shumë për të dalë në tregun Europian. Besoj se dhe menaxherët i kanë bërë presion duke e çuar në ekipin e Greqisë. Mendoj se vendimi për të përfaqësuar Greqini nuk është marrë nga familja apo nga vetë futbollisti, por besoj se faktor kryesor në këtë zgjedhje të Durmishajt ka qenë menaxheri i tij”, u shpreh Vangjeli.
