Institucioni që ka si detyrë funksionale monitorimin e drejtpërdrejtë të punës së organizatës së policisë po i nënshtrohet një ristrukturimi të plotë jo vetëm organizativ por dhe përmbajtësor.
Shërbimi i Çështjeve të Brendshme dhe Ankesave pas emërimit në detyrë të Muhamet Rrumbullakut në muajn Janar ka nisur ndryshimin.
Zyrtarisht mësohet se drejtuesit e 6 drejtorive rajonale po zëvëndësohen.
Arben Frashëri i cili më herët mbante detyrën e drejtorit rajonal të SHÇBA është shkarkuar nga detyra duke u emëruar në një pozicion më të ulët si përgjegjës sektori në Fier.
Në vend të tij është emëruar Arben Caka një bashkëpunëtorë i vjetër i Z.Rrumbullaku. Me një karrierë të gjatë në policinë e shtetit Arben Caka deri tani punonte në akademinë e policisë.
Caka ka qenë nën varësinë e Muhamet Rrumbullakut në vitin 2008 kur ky i fundit ishte drejtor i policisë së kryeqytetit . Në atë kohë ka mbajtur detyrën e Shefit të Seksionit të Operacioneve Speciale dhe Kërkimit në Drejtorinë e Policisë së Qarkut Tiranë.
Sipas të dhënave zyrtare, bëhet me dije se ndryshimet e tjera do pasojnë në ditët në vijim me qëllimin e vetëm rritjen e performancës së këtij institucioni dhe nxjerrjen nga agonia dhe inefiçenca e deritanishme.
SHÇBA pritet që me ndryshimet e reja në ligj të marrë si kompetencë dhe vettingun për nivelin e mesëm dhe bazë të policisë së shtetit.
/Sosnews.al/
