Tifozët në stadiume duhet të identifikohen. Kështu u shpreh ministri i Brendshëm, Sandër Lleshaj gjatë takimit të përbashkët mes Qeverisë dhe FSHF-së, ku u diskutua mbi rikthimin e policisë në stadium, për ruajtjen e rendit dhe sigurisë.
Lleshaj tha se rikthimi i policisë ka një kosto, e cila duhet paguar.
Sipas ministrit të Brendshëm, Policia e Shtetit ka numrin më të vogël të punonjësve krahasuar me vendet e Rajonit, ndërkohë që për mbarëvajtjen e ndeshjeve të futbollit duhet të angazhohen 700 policë.
“Ne kemi policinë më të vogël në rajon dhe kemi shumë pak policë dhe shumë probleme. Duhet të ketë faturë që duhet paguar dhe nëse ka kompetenca, ka vështirësi për të përballuar volumin e sportit në vend dhe na duhen 700 policë për këtë çështje, ka orë shtesë dhe kapacitet shtesë.
Duhet të ndërhyjmë edhe në organizimin pasi janë shumë çështje. Ne kemi turma në stadium dhe jo individë.
Duam tifozë të identifikuar në stadiume pasi nuk do shumë punë”, u shpreh Lleshaj.
