Nga Ilir Seci
Baton Haxhiu ma në fund arrin binjakëzimin e Kanalit të Panamasë me Kanalin Vjosë-Levan-Fier… Mbas shumë perpjekjesh dhe manovrimesh të shkëlqyera diplomatike, Baton Haxhiu ma në fund ia doli me e thellue deri në binjakëzim miqesine mes dy kanaleve.
Nuk ishte nismë e lehtë kjo.. Aspak. Për me e thellue miqësinë deri në binjakezim në këtë nismë u desh me u përfshi katër ekspertet ma te mire të Ulluqeve të Gazetarise Shqiptare.
Ne fillim ngjante e pa shprese kjo ndërmarrje sepse ata vërtetë ishin ekspertë ulluqesh, por asnjiherë nuk i kishin matur forcat në nivel kanalesh. Kanalizimi ishte sfide e re per ta dhe ata iu perveshën asaj sfide pa marrë parasysh vështirësitë dhe rreziqet. Iu përveshen me shpirt sakrifice…sakrifica sepse siç shihet nga fotoja ata shkuan drejt sfidës pa praninë e delikatesës femnore që zakonisht zbukuron pushimet. Por ata nuk shkuen atje për pushime, shkuen për thellimin e miqësisë mes kanaleve…
Ata ishin katër… Batoni ideatori i binjakëzimit, Zamiri me qesen në dorë, i gatshem me pague kudo, Blendi që u kall datën berberëve sepse u kujton falimentimin dhe Beni që ecën me bateritë që ia karikojnë… Katër që pozojnë tok krenarë, krenarë dhe të krekosun sikur me e pasë hapë ata vetë kanalin e Panamasë. Ndoshta hapë jo por thellue të paktën po…e thelluen edhe kanalin e Panamasë ashtu si thelluen ulluqet e gazetarisë, meritë që s’mundet me ua humbë kush, sado të mundohen…
Ne fakt gjykue nga ngjyra e pantallonave, Blendi Fevziut ngjan sikur ka thellue kanal ma shume se tre tjerët…ngjan sikur ka marrë ma shume tituj “Sulmues” teksa djersët i kullonin çurg në ulluk…ashtu si mësonte Partia në aksione, ashtu si ishte edhe parimi – “Me djersë dhe gjak.”
