Deputetja e Partisë demokratike, Rudina Hajdari, në një intervistë të dhënë për Zërin e Amerikës, ka dhënë arsyet se përse nuk ju bashkua kolegëve të saj demokratë për të djegur mandatet.
Hajdari tha se ajo vendosi të qëndroje në parlament për ti shërbyer vendit. Sipas saj vendimi për të mos djegur mandatin është në respektim të Kushtetutës.
“Parlamenti i jep oksigjen demokracisë ën vend, i jep oksigjen partive politike. Është vendi ku ne përfaqësojmë sovranin, prandaj duke marrë parasysh që kjo është një përgjegjshmëri e lartë që ndje mbi shpatulla, mendoj se qëndrimi në parlament është vendimi i duhur që i shërben të ardhmes së Shqipërisë”– tha Hajdari.
