Autoritetet italiane arrestoi 80 trafikantë droge, 10 prej të cilëve drejtues të organizatës kriminale, që vepronte në disa shtete, përfshi edhe Greqinë.
Rrjeti ndërkombëtar i trafikut të drogës ishte nën hetimin e autoriteteve për mbi dy vjet, ndërsa disa agjensi ligjzbatuese bashkëpunuan mes tyre për të bërë të mundur shkatërrimin e organizatës.
Transporti i drogës bëhej nga ajri kryesisht nga Amsterdami, Spanja, Franca, Greqia, Malta dhe Italia.
Transporti i kokainës dhe heroinës bëhej me metodën e gëlltitjes së dhjetëra kapsulave me peshë deri në 700 gr për rrugë.
Kreu i organizatës kriminale, jetonte në Itali dhe prej aty organizonte të gjitha transportet.
Një transportues polak, i cili u arrestua në Athinë ka bashkëpunuar me autoritetet greke. Sipas tij, i arrestuari ka pasur një rol të rëndësishëm në çmontimin e organizatës.
Autoritetet e Spanjës, Maltës dhe Francës bashkëpunuan gjatë hetimeve për të çmontuar këtë organizatë.
Organizata kriminale ka vepruar në mënyrë autonome, pa bashkëpunimin e grupeve të tjera kriminale dhe përveç dy transportuesve polakë, përbëhej vetëm nga nigerianë.
