Një familje shqiptare në Padova të Italisë është përfshirë në aksident rrugor, ku ka mbetur e pagosur rëndë pjestari më i vogël i familjes.
Siç raportojnë mediat italiane, dy prindërit dhe fëmijët e tyre kishin dalë në park për të shijuar pasditen kur një kamion i ngarkuar me disa paleta druri i përplasi. Foshnja 14-muajshe e gjinisë femër ka mbetur e lënduar rëndë dhe është transportuar në spital me helikopter. Edhe nëna ka marrë dëmtime të rënda, ndërsa babai dhe djali tjetër i vogël kanë shpëtuar pa asnjë gërvishtje.
Gjatë natës, mjekët e spitalit ku edhe është shtruar vogëlushja vendosën të prisnin një pjesë të këmbës për të shpëtuar jetën e saj por ajo ndodhet ende në gjendje të rëndë.
Mediat italiane ende nuk i kanë bërë të ditura identitetet e familjes shqiptare, ndërsa shoferi, një 58-vjeçar është identifikuar si Pietro Dal Santo.
Sipas disa dëshmive, ishte në gjendje të dehur dhe pas përplasjes ai u përpoq të largohet por u ndalua nga policia italiane. Policia gjithashtu ndaloi edhe babai e foshnjes, i cili tentoi që të vriste shoferin pas aksidentit.
Por nuk ka mbaruar këtu për Pietro Dal Santon. Profili i tij në Facebook është sulmuar nga qytetarë të thjeshtë, të cilët e kanë “kryqëzuar” për aksidentin që shkaktoi.
