Klubi i Skënderbeut me anë të një postimi në profilin zyrtar në Facebook ka sqaruar opinionin publik rreth thashethemeve të fundit ku u përfol se “çështja Skënderbeu” nuk ekziston në asnjë datë të CAS deri në fund të sezonit. Sipas drejtuesve të Skënderbeut seanca dëgjimore në CAS do të jetë në datën 16 prill.
Postimi i plotë:
SQARIM PUBLIK:
Klubi i Futbollit “Skënderbeu” është i detyruar të sqarojë të gjithë dashamirësit e ekipit dhe ata që duan të dinë më shumë për vendimin që ne presim nga CAS-i.
Të gjitha ato që fliten së fundi në ambjentet futbolldashëse, në mediat e shkruara dhe elektronike, por edhe në të gjitha rrjetet sociale janë vetëm thashetheme dhe asgjë më shumë se kaq.
Jemi mësuar prej shumë kohësh me këto thashetheme dhe ne u themi të gjithë tifozëve që të qëndrojnë me “këmbë në tokë”. Të vetmet sqarime zyrtare dhe reale mund ti gjeni vetëm në faqen tonë.
Ju njoftojmë se Seanca Dëgjimore në CAS do të jetë në datën 16 prill 2019 dhe sigurisht do të presim të qetë këtë ditë dhe bashkë me të edhe vendimin zyrtar.
Jemi të qetë dhe të bindur që ne do të dalim fitimtarë në fund, por na vjen keq për thashethemet e fundit dhe ishim të detyruar për këtë sqarim.
Faleminderit për mirëkuptimin!
