Kreu i Kosovës, Ramush ishte i pranishëm në 10-vjetorin e Partisë së Re Demokratike, të komunitetit boshnjak në Prizren, ku u shpreh se marrëveshja që do të arrihet shumë shpejt me Serbinë do të mundësojë një jetë më të mirë dhe zhvillim ekonomik. Ai argumentonton bindjen se Kosova do ti arrijë qëllimet e veta.
“Unë besoj se vështirësitë që kemi në raport me Serbinë, shumë shpejtë do të zgjidhen, dhe do të kemi të gjithë një jetë më të mirë në rajon, dhe Kosova do të arrijë qëllimet e veta, që të anëtarësohet së shpejti në OKB, që do të mundësonte një jetë më të mirë dhe zhvillim ekonomik”, ka thënë kryeministri Ramush Haradinaj gjatë fjalës së tij.
Ndërkohë kujtojmë, se edhe presidenti i Serbisë, Aleksandër Vuçiç, ka komentuar gjatë një interviste për TV Prva, miratimin e djeshëm të Platformës së Kosovës për dialog me Serbinë të cilën e ka quajtur të keqe dhe kundër dialogut. Por që nga ana tjetër ka deklaruar se brenda 15 ditëve do të merret vendimi për dialogun me Kosovën.
“E them se ka probleme, ne jemi mbështetur për muri, jemi në pozitë të vështirë. Ne gjithmonë kemi qenë për dialog, por tash nuk kemi ku të shkojmë tutje. Jemi këtu ku jemi, do ta mbrojmë dhe do ta ruajmë vendin tonë. Do të presim 10, 15 ditë e do të marrim vendimin tonë në interes të Serbisë”.
