Një vendim që po përflitej prej kohës, ka ardhur për klubin e Chelseas-s. Klubi londinez është dënuar nga FIFA me 600 mijë franga zvicerane dhe një vit bllokim të merkatos.
Por ky vendim nuk ka dëmtuar vetëm blutë e Londrës, por edhe ekipet e tjera.
Një nga ekipet e tjera që dëmtohet disi është Milani, e cila ka marrë në huazim mesfushorin francez Timue Bakajoko. Lojtari ka ardhur në fillim të këtij sezoni te kuqezinjtë dhe mund të blihej nga klubi italian për 35-40 milionë euro.
Chelsea, pasi ka marrë lajmin se nuk mund të blejë lojtarë të tjerë, do të “mbledhë” të gjithë lojtarët huazuar dhe kështu Milani nuk do të mund të ketë një ndër shtyllat e ekipit, që e kanë rilindur skuadrën.
Mediat angleze bëjnë me dije se nga huazimi do të kthehet Baçuaj dhe Zuma që po bëjnë mjaft mirë te ekipet që janë dhënë.
