Ish-ambasadori i SHBA në Shqipëri, Donald Lu, prej pak muajsh vijon që jetë ambasador në Kirgistan. Pas disa vitesh eksperiencë në Shqipëri, Lu u largua dhe shkoi në Kirgistan, një lëvizje jo pak e bujshme. Por duket se ky transferim i Donald Lu, pas mbarimit të mandatit në Shqipëri, nuk është bërë aq rastësisht.
Dosja.al sjell një kontratë lobimi për ish-ambasadorin e SHBA në Shqipëri, që më pas ka sjellë emërimin e tij ambasador i Shteteve të Bashkuara të Amerikës në shtetin e Kirgistanit.
Kompania e cila ka kryer këtë lobim është Lobbying Disclosure, e cila është shumë e njohur në SHBA. Sipas informacioneve në faqen e saj online, ka lidhje me Senatin Amerikan.
Kontrata e lobimit për Donald LU (Klikoni këtu për të parë dokumentin e plotë)
Në kontratë thuhet se të ardhurat në lidhje me aktivitetet lobuese për këtë periudhë raportuese ishin më pak se 5 mijë Dollarë, ndërkohë që totali shkonte në 10 mijë dollarë.
“Më gjithë pagesat e tjera në lidhje me këtë kontratë, të të gjitha të ardhurat me lobimin për klientin, duke përfshirë të gjitha pagesat ndaj regjistruesit nga ndonjë subjekt tjetër për aktivitete lobimi në emër të klientit, janë gati 10 mijë Dollarë”, thuhet më tej në kontratë.
Në këtë kontratë janë dhe emra të tjerë të cilët kanë lobuar për t’u bërë ambasador, ose për të marrë pozicione të rëndësishme në adminsitratën e SHBA. Lobimi për çështjen e Donald Lu lidhen me emërimin e tij si Ambasadori i SHBA në Kirgistan.
Po ashtu në kontratë shihen edhe çështje që lidhen me pranimin në Bashkimin Evropian për Maqedoninë, Shqipërinë, Serbinë, Malin e Zi dhe Bosnje dhe Herzegovinën.
/Dosja.al/
