Nga Boldnews.al
Prokuroria e Përgjithshme ka reaguar zyrtarisht pas publikimit në “Boldnews.al” të një njoftimi, i mbushur me rreth 30 gabime gramatikore.
Një ditë pasi “BN” publikoi foton e njoftimit për hapjen e garës për anëtar të Këshillit të Lartë të Prokurorisë, Prokuroria e Përgjithshme ka zëvendësuar tekstin e mëparshëm, me një të ri.
Edhe në tekstin e dytë evidentohen gabime gramatikore, por, gjithësesi, shumë herë më pak se në rastin e parë.
Mesa duket, stafi përgjegjës nën varësinë e Arta Markut ka nisur të marrë kurse kundër analfabetizmit. Dita e zgjedhur për reagim është edhe më domethënëse-7 Marsi, dita e Mësuesit. Ecuria e kursit duket e mirë, por gjithësesi, personat përgjegjës kanë nevojë ende për punë në këtë drejtim.
Për lexuesit e “BN” po risjellim edhe njëherë të plotë tekstin, siç u publikua në faqen zyrtare të Prokurorisë së Përgjithshme në datë 06.03.2019, për të kuptuar më qartë se cili ishte niveli i përdorimit të gjuhës shqipe para “hapjes së kursit” kundër analfabetizmit.
“Me shkresën nr. 633/28, date 28.02.2019 te Kolegjit te Posacem te Apelinit, Prokurori i rergjithshem eshte njoftuar se ky kolegj, me vendimin e tij nr.6, dt. 28.02.2019, ka vendosur: ndryshinin e Vendinit nr. 42, date 18.07.2018 te Komisionit te Pavamr te Kunlifikimit, duke vendosur shkarkinin nga detyra si prokurore, te Subjektit te Rivlerfesimit zj. Antoneta Sevdari…”
Pas komenteve ironike në rrjete sociale mbi cilësinë e këtij teksti, Prokuroria e Përgjithshme e kuptoi gafën e rëndë dhe vendosi ndryshimin e tekstit.
