Agjencia Telegrafike Shqiptare ka populluar sot faqen e vet online vetëm me copëza të intervistës së kryeministrit Edi Rama në emisionin “Porta a Porta”. Kuti të vogla me të njëjtën fotografi ku shfaqet fjala “Rama” që si në një ekran me shumë kanale shfaq të njëjtën gjë. Aksionet e kreut të opozitës Basha në këtë informim janë zero, ndonëse z. Basha dha një intervistë të vetën.
Me gjasë ATSH ecën me parimin e marrëveshjes së 17 majit që siç tha z. Rama kishte përcaktuar ndër të tjera edhe kushtin absurd që në fakt është parim themelor i sistemit: kush fiton qeveris, kush humbet bën opozitën. Agjencia qeveris faqen e vet përmes fituesit.
