Rojat bregdetare greke kanë njoftuar se të paktën tre persona, përfshirë dy fëmijë, kanë humbur jetën sot, pasi një anije me emigrantë u fundos në afërsi të ishullit grek Samos.
Të paktën 12 persona u gjetën në bordin e kësaj anijeje. Dy fëmijët humbën jetën pak pasi u nxorën nga uji, ndërkohë që trupi i një burri u gjet pak më pas.
”Mbi 200 refugjatë kanë vdekur që nga fillimi i vitit në detin Mesdhe, pjesa më e madhe e tyre në përpjekje për të arritur në Itali”, bën me dije Organizata Ndërkombëtare për Migrantët.
