Një lajm i bujshëm vjen nga mediat më të mëdha në Itali dhe Spanjë. Marselo ka arritur akordin me Juventusin dhe do të nënshkruajë me bardhezinjëve një kontratë 4-vjeçare. Transferimi do të kryhet në fund të këtij sezoni dhe braziliani do të shndërrohet në një ndër më të paguarit në ekip, me 12 milionë euro në sezon.
Marselo ka qenë një ndër lojtarët kyç të Realit të Madridit në triumfet, që ekipi madrilen ka arritur vitet e fundit. Largimi i Kristiano Ronaldos, por mbi të gjitha ai i Zinedin Zidan, kanë bërë që braziliani të kthehet në një lojtar stoli, sidomos pas ardhjes së Solarit.
Trajneri aktual i “Los Blancos”, aktivizon në krahun e majtë Regijon, me Marselon që ka parë thuajse çdo ndeshje nga stoli. Me situatën e krijuar, largimi i 30-vjeçarit dukej diçka e paevitueshme.
