Jean-Hubert Lebet, ambasadori i Zvicrës në Kosovë ka shprehur mendimin e tij kundër prekjes së kufijve të Kosovës.
I thirrur në tryezë nga Instituti Demokrat i Kosovës-KDI, për të diskutuar procesin e dialogut mes Kosovës dhe Serbisë ai është shprehur se “Është e rrezikshme që të preken kufijtë”, ka njoftuar Klan Kosova.
Ndër të tjera Lebet ka shtuar se nuk është e nevojshme që palët të nxitohen për të bërë një marrëveshje, por ka shtuar se do të ishte mirë në qoftë se ajo arrihej.
“Jam këtu për të përkrahur edhe më tej Kosovën në dialog, e çështje të tjera përfshirë këtu edhe çështjen e të zhdukurve dhe integrimin e Kosovës në instanca ndërkombëtare”, është shprehur Lebet.
Lebet ka bërë thirrje edhe për politikanët, duke thënë se ata duhet që fillimisht të mendojnë se deri ku duan të arrin.
. “E njëjta do të ndikojë në jetën e qytetarëve të këtij vendi”.
