Ish-deputetët Edmond Spaho dhe Vangjel Dule u shprehën mbrëmjen e sotme se dorëzimi i mandateve ishte rruga e vetme që i kishte mbetur opozitës, duke shtuar se tashmë nuk ka më kthim pas.
Të pranishëm në Real Story, dy ish-deputetët thanë se kriza që ka përfshirë vendin nuk është vetëm politike.
Nënkryetari i PD-së, Spaho, u shpreh se kjo që po ndodh në Shqipëri është krizë sociale, ekonomike dhe politike. Spaho tha se për zgjidhjen e krizës, opozita është e gatshme të pranojë edhe një qeveri të majtë që do të përgatisë zgjedhjet. “Jemi të gatshëm që të pranojme dhe një qeveri të majtë që do të përgatisë zgjedhjet dhe kushdo që fiton, të qeveris vendin”, tha nënkryetari demokrat.
Sipas tij ato nuk lejoheshin të debatonin, të merrnin pjesë në votimin e ligjeve ndaj ishte e kotë që të rrinin brenda në parlament.
Ndërkohë kryetari i PBDNJ-së, Vangjel Dule ka theksuar se protestat e fundit tregojnë qartazi se nuk janë vetëm me pjesmarrjen e militantëve të forcave politike por dhe pjesës tjetër gri.
