Opozita mori vendimin në mënyrë unanime për djegien e mandateve, por nga Këshilli i Mandateve dhe Imuniteteve në Kuvend, kjo situatë nuk është marrë me seriozitetin e duhur. Kjo ka dalë në pah edhe nga një lapsus i deputetit të LSI-së, Vangjel Tavo, i cili gjatë nënshkrimit nxjerr në pah nga shpejtësia emrin e të atit nuk e ka shkruajtur siç është në pasaportë, domethënë në vend të emrit Llambi, Tavo e shkruan Harallamb. Kjo e bën të pavlefshëm dokumentin e dorëheqjes nga mandati.
Dosja.al kontaktoi me zotin.Tavo, i cili u shpreh se është një lapsus pasi i ati emrin e ka Harallamb, por në pasaportë e ka të shkruajtur Llambi, kësisoj në shpejtësi e sipër ai e ka shkruajtur emrin siç ata e thërrasin.
Ai ka akuzuar Komisionin e mandateve për mungesë serioziteti, pasi sipas tij mosthirrja e të gjithëpersonave të nënshkruar për të deklaruar personalisht është shkelje. Ai thotë se mundet që dikush edhe të kishte firmosur në emër të tjerët kujt.
“Gabimi im, babai im e ka emrin Harallamb po në pasaportë e ka të shkruar Llambi. Gabim shpejtësie nga unë por edhe papërgjegjshmëri nga Kuvendi. Kam qenë anëtar i komisionit të mandateve dhe i shqyrtonim emrat dhe të dhënat personale deri në detaje përpara se të konfirmonim mandatin ose lënien e mandatit. Komisioni i mandateve duhet të kishte thirrur të gjithë deputetët. Po sikur unë të mos e kisha firmosur vetë? I mbetem vendimit të opozitës 100 për qind. Sapo të kthehem do të dorëzoj mandatin. Në fillim të javës tjetër jam në Tiranë”, – sqaroi Tavo për Dosja.al.
