Policia e Shtetit ka marrë masa ekstreme pranë Kuvendit të Shqipërisë duke bllokuar tërësisht kalimin e qytetarëve pranë zonës.
Madje, policia nuk lejon madje as mediat që të kalojnë pranë pedonales, duke vendosur zonën nën shtetrrethim të plotë.
Kjo është hera e parë që policia merr masa të tilla ekstreme gjatë zhvillimit të një proteste, masa të ngjashme me vizitat e personaliteteve më të larta botërore në Shqipëri.
E gjithë zona e pedonales ndodhet nën kontrollin e policisë dhe të vetmit që lejohet të kalojnë janë punonjësit e Kuvendit dhe deputetët.
