Një bandë shqiptarësh që merreshin me vjedhje banesash, është shkatërruar nga autoritet ligjzbatuese italiane, raportuan këtë të martë mediat italiane.
Policia e Bolonjas ka ekzekutuar 6 masa të arrestit me burg ndaj pjesëtarëve të grupit të shqiptarëve, të akuzuar për vjedhje banesash të kryera mes gushtit dhe tetorit 2018 në Bolonja, Casalecchio, Castenaso e Granarolo. Në një rast, është goditur me thikë një nga ‘viktimat’ e vjedhjes duke e lënë të plagosur.
Sipas mediave italiane, grupi ka kryer vjedhje parash, bizhuterish dhe mallra të tjera me vlerë, që vlerësohen mbi 250 mijë euro.
Nën hetim është edhe një biznesmen italian, i cili akuzohet se në dyqanin e tij, shiste mallrat e vjedhura nga banda shqiptare.
Policia italiane ka ekzekutuar edhe masën e detyrim paraqitjes ndaj një rumune 25 vjeçe, e cila kishte rolin e shoferes së bandës.
Gjatë një grabitje në një banesë, kamerat e sigurisë kanë fiksuar fytyrat e shqiptarëve, duke ndihmuar hetuesit të arrinin në gjurmët e tyre. /Boldenws.al/