Dy të moshuar ranë pre e dhunës në banesën e tyre në qytetin në Spitallë të Durrësit, dhe për pasojë kanë marrë disa plagë të rënda.
Mësohet se dy të moshuarit me mbiemër Ymeri me origjinë nga Pogradeci dhe me banim në Spitall të Durrësit janë dërguar në spitalin e traumës shkruan Ballkanweb.
Ata jetonin vetëm pasi fëmijët i kishin në Greqi. Ndërkohë policia tha se nuk i mori dot në pyetje pasi dolën nga operacioni, kjo pasi ishin të traumatizuar dhe nuk flisnin dot.
Ndërkaq referuar burimeve nga grupi hetimor, dyshohet që një person i ka goditur në kokë të dy të moshuarit. Më parë u ka fikur dritat e shtëpisë dhe më pas u ka hyrë në banesë ku i ka dhunuar. Nga hetimet e kryera rezulton se autori nuk ka grabitur asgjë. Dyshimet janë që autori mund të ketë konflikt me familjarët ose fëmijët e çiftit.
Policia po heton në pistën e një konflikti familjar por nuk përjashtohet pista e ngatërrimit të shënjestrës. Sipas të dhënave të moshuarit nuk rezultojnë me konflikte në lagje.
