Pas djegie së mandatave të deputetëve Basha ka drejtuar protestuesit drejt KQZ-së. Së bashku ata do të tregojnë vendosmërinë e tyre për të mos pranuar më asnjë propozim lidhur me mandatet e ardhshme.
Kreu i PD-së Lulzim Basha ka nisur fjalën e tij në protestën e shqiptarëve, duke akuzuar ata kandidatë për deputetë që pranuan të marrin mandatin.
‘Ata të mjerë, ata pak të mjerë që futen në atë godinë, shesin shpirtin, ata janë turpi i familjeve të tyre. Ata do ti gjykojë historia, Zoti pastë mëshirë për shpirtin e tyre sepse fytyrë ata nuk kanë më.
Për muaj e vite zëri juaj ka kërkuar herë me ndrojtje e herë me mllef, kur do ti digjni mandatet.
Zëri juaj tashmë është dëgjuar. Opozita i është bindur sovranit. Unë kam sot nderin dhe privilegjin që në emrin e popullit të shpreh mirënjohjen dhe të falënderoj nga zemra ata zonja, zotërinj e zonjusha, ata qindra kandidatë që djegin sot mandatet e tyre’, tha ndër të tjera Basha.
