Kryetari i Partisë Konservatore, Kujtim Gjuzi është një ndër kandidatët për deputet që ka pranuar të bëhet pjesë e parlamentit nëse i vjen radha, pasi ai renditet i 19-ti në listën e Partisë Demokratike në Durrës.
Në emisionin ‘Kafe In’ ai u shpreh kundër vendimit të opozitës per djegien e mandateve, ndërsa falenderoi ndërkombëtarët për mbështetjen pa përmendur emrat e tyre. “Trupa diplomatike në Tiranë na ka kontaktuar dhe këshilluar, duke thënë se parlamenti nuk mund të mbetet bosh”.
Gjuzi sqaroi se e njeh Edi Ramën si kryeministër dhe se Partia Konservatore do të kërkojë edhe dy mandate te tjera; një në Tiranë dhe një në Dibër. “Pas çadres, Basha shkoi ne parlament dhe e njohur Ramen si kryeminister. Nese Basha e njohu, kush jam une te mos e njoh”, perfundoi Gjuzi.
