Gjatë fjalës së mbajtur në aktivitetin që u zhvilluar për të kujtuar Maskrën e Filatit ku u vranë më shumë se 1280 shqiptarë të Çamërisë, kryetari i Partisë Drejtësi, Integrim dhe Unitet, Shpëtim Idrizi ka komentuar edhe Samitin e Diasporës.
Ai tha se në Samitin e Diasporës u harrua të ftohej një përfaqësues nga Çamëria. Idrizi u shpreh ndër të tjera: “Shteti shqiptar duhet t’i japë pasaportat çdo personi me orgjinë shqiptare. Diaspora duhet të ketë vendet e veta në Parlamentin e Shqipërisë. Shqipëria duhet të jetë zonë e lirë ekonomike për Diasporën. Kjo do të thotë se çdo njeri nga Diaspora, të marrë pasaportën shqiptare dhe të vij të investojë në Shqipëri, pa taksa. Kemi luftuar për 8 vjet që Shqipëria të kishte një ministër Diaspore. Në fakt ne duhet të kemi një qeveri tani, se gjysma e shqiptarëve janë jashtë Shqipërisë. Duhej një ministri me kompetenca të plota për Diasporën dhe jo thjesht një ministër shtet”.
https://www.facebook.com/pdiu.al/videos/265473694365280/
