Presidenti Ilir Meta ka bërë apel për dialog politik mes palëve politike, teksa ka theksuar se jemi në një krizë politike, kushtetuese dhe institucionale.
Gjatë një konferencë nga Presidenca, me homologun slloven, Meta u pyet për mundësinë e të qenit negociator për një bisedim mes Ramës dhe Bashës.
“Do doja të përqendroheshim në çështje të brendshme në këtë konferencë, por s’mund të ndaloj te pyetja juaj, kështu që shumë thjesht mund t’ju deklaroj se jemi në kushtet e një krize politike, kushtetuese, e institucionale dhe që mund dhe duhet të ishte shmangur në mënyrë të vazhdueshme dhe sistematike. Kam apeluar për dialog mes palëve jo vetëm për të evituar këtë situatë, por për ti paraprirë atij vendimi të rëndësishëm në qershorin e kaluar, për mundësinë e çeljes së negociatave në qershor. Një ditë pas vendimit të qershorit të shkuar kam thënë se duhet të fillojë dialogu qeveri-opozitë, se si iku një ditë mund të iki dhe një vit. Në vijim të thirrjeve të mëparshmeve, apeloj që palët të bëjnë hapa pas dhe të reflektojnë me përgjegjshmëri për të rivendosur normalitetin politik, demokratik dhe institucional në vend. Kur vihet në plan të parë interesi kombëtar që duhet të motivojë edhe për shkak të kohës që po pakësohet duhet të na shtyjë drejt zgjidhjeve të mençura dhe zgjidhjeve politike”, tha Meta.
/Boldnews.al/
