Ish-deputeti i Partisë Republikane, Ylli Shehu, i cili la Fatmir Mediun për të kaluar te LSI, ka dorëzuar këtë të premte formularin e dekriminalizimit në Komisionin Qendror të Zgjedhjeve.
Ai i ka thënë po mandatit të deputetit pas dorëzimit të tyre nga ana e opozitës. Por kjo gjë nuk ka kaluar pa u komentuar brenda LSI-së dhe jo vetëm.
Reagimi vjen nga gazetari Ylli Dylgjeri, i cili si gjithmonë, nuk i kursen notat e humorit dhe ironisë.
Postimi i Dylgjerit:
LSI i rierdhi edhe një Yll!
Më në fund e bëmë partinë me 3 Yje! Ishim 2 e tani u bëmë 3: Yll Manjani, Yll Dylgjeri e së fundi Ylli Shehu. Që do të kthehej në politikë Mehmet Shehu
do e kisha besuar, por që të do kthehej Ylli Shehu…s’më kish shkuar mëndja!!! Ndaj dhe i madhi Fishta dikur shkruante:
“Nji send serit puna e horrit,
Ç’farë si shkon mendja kërkujt,
Kur i han bytha malcorit,
I han ma shumë se gjithkujt…”
Ja dhe CV-ja: Ylli Shehu -republikan, lësëist, dhe tani mandatist…”
Por nuk ka munguar as komenti nga ish-ministri I Drejtësisë, Ylli Manjani.
“Yjet tona ranë o Dylgjer. Yje te reja po ngrihen”, ishte komenti pikant i ish ministrit të Drejtësisë, Ylli Manjani.
Ylli Shehu ishte pjesë e listës së LSI gjatë zgjedhjeve parlamentare të 2017, por nuk arriti të zgjidhej deputet, por mesa duket rastin e parë që i iu dha mundësia e shfrytëzoi në maksimum.
