Vetëm një ditë më parë regjisori i “Portokalli” Altin Basha zbuloi disa detaje të reja në lidhje me ndryshimet e sezonit të ri. Ai i ftuar në “Ftesë në Pesë” u shpreh se:
“Fillojmë me 4 moderatorë, do të jetë një surprizë interesante fillimi i këtij sezoni, do të vazhdojmë me surpriza të tjera. Kemi shumë produkt i cili pret të shfaqet dhe jemi të kënaqur me rezultatin. Do jenë 2 aktorë të rinj meshkuj, por do të ketë edhe femra që do të vijojnë në sezon. Do të ketë të ftuar edhe aktorë të njohur.”
Por burime për “IconStyle” kanë treguar se në fakt nuk bëhet fjalë për dy moderator të rinj. Do të jenë aktorët Delinda Zhupa dhe Rezart Veleshnja të cilët do të hapin spektaklin duke imituar Ministren Elisa Spiropali dhe zv.kryeministrin Erion Braçe.
Xhemi Shehu dhe Salsano do të jenë edhe këtë sezon moderatorët e vetëm të spektaklit por do të përfshihen tashmë edhe në role të ndryshe. Ata kanë treguar se e bëjnë mjaft mirë këtë gjë.
