Në vitin 2018 pati akuza të forta se forcat e qeverisë së Asadit lëshuan armë kimike ndaj kundërshtarëve në Duma.
Është një raport i publikuar tashmë i cili tregon se në Duma janë përdorur armët kimike.
Organizata për Ndalimin e Armëve Kimike e ka publikuar këtë raport, ku tregohet se është përdorur lënda klor reaktiv dhe klor molekular.
“Aktivitetet e FFM-së në lidhje me këto akuza përfshijnë vizita në vendngjarje për të mbledhur mostra nga mjedisi, intervista me dëshmitarë dhe mbledhje të informacioneve”, thuhet në raport.
“Në lidhje me pretendimet për përdorimin e kimikateve toksike si armë në Duma, vlerësimin dhe analizat e të gjitha informacioneve të sipërmpërmendura të mbledhura nga FFM-ja ofrojnë baza të arsyeshme se përdorimi i kimikateve si armë ka ndodhur më 7 prill 2018”, thuhet më tej.
Raporti gjeti se kimikatet toksike përmbanin “klor reaktiv” dhe se me siguri ishte “klori molekular”.
Trupi i ONAK-ut për zbatimin e Konventës së Armëve Kimike me 193 vende anëtare mbikëqyr përpjekjet globale për të çrrënjosur përgjithmonë armët kimike. ONAK ndau raportin me shtetet nënshkruese të Konventës dhe u dërgua në Këshillin e Sigurimit të Kombeve të Bashkuara nëpërmjet Sekretarit të Përgjithshëm, Atonio Guterres.
