Regjisori i spektaklit të humorit “Portokalli”, Altin Basha, ka zbuluar së fundmi risinë që na pret këtë sezon.
Basha ishte i ftuar në emisionin “Ftesë në 5”, ku zbuloi se do të ketë ndryshime dhe prurje të reja. Si asnjëherë më parë në këtë sezon të ri që fillon të dielën do të ketë 4 moderatorë.
“Fillojmë me 4 moderatorë, do të jetë një surprizë interesante fillimi i këtij sezoni, do të vazhdojmë me surpriza të tjera. Kemi shumë produkt i cili pret të shfaqet dhe jemi të kënaqur me rezultatin. Do jenë 2 aktorë të rinj meshkuj, por do të ketë edhe femra që do të vijojnë në sezon. Do të ketë të ftuar edhe aktorë të njohur”, u shpreh Basha.
Por regjisori i njohur nuk zbuloi se kush janë emrat që do prezantojnë krah Xhemit e Salsanos.
