Lojtari më i mirë i sfidës në barazimin mes Teutës dhe Skënderbeut, u shpall Nazmi Gripshi, i cili shënoi golin e barazimit në minutat shtesë dhe nuk festoi ndaj ish-skuadrës së tij.
Në intervistën për “Supersport” pas ndeshjes, ai deklaroi se u lumturua prej golit, por jo aq shumë se ia shënoi ekipit ku është rritur.
E menduar se një nga golat më të rëndësishëm do e shënonit përballë ish-skuadrës?
Çdo futbollist e mendon këtë. I lumtur që shënova, por jo aq shumë për faktin që i shënova skuadrës ku jam rritur.
Nuk është e lehtë përballë kësaj Teute…
Kur mbaroi e para, trajneri na tha se nuk po bënim lojë të keqe, por u ndëshkuam vetëm nga një episod.
U desh pak kohë për formacionin te Skënderbeu. Pritshmëritë e të ardhmes?
E vërtetë, nuk pata një periudhë të mirë kur erdha këtu, dhe nuk po luaja. Tani po aktivizohem, tani për të ardhmen e dinë drejtuesit dhe klubi.
Duke parë cilësitë tuaja, duhet të jepni akoma më shumë…
E vërtetë, të gjithë presin më shumë prej meje, por unë po jap më të mirën time. Me kalimin e ndeshjeve, do jap edhe më shumë se sa po jap tani.
