E gjithë vëmendja e futbollit shqiptar është në derbin e kryeqytetit. Luhet Tirana-Partizani. Një ndër përballjet më të zjarrta të Kategorisë Superiore që ka dhuruar gjithmonë spektakël në fushë dhe jashtë saj.
Pjesa e parë ka përfunduar me rezultatin e bardhë 0-0 me bardheblutë me raste më të shumta për gol por që nu kanë arritur dot ta çojnë topin në rrjetë. Ndërsa për skuadrën e Skënder Gegës duket në një ditë jo të mirë pasi ka vuajtur fraksionin e parë të lojës përballë 24 herë kampionëve të vendit.
Ky derbi është i vlefshëm për javën e 24-të të Kategorisë Superiore.
FORMACIONET :
Tirana: Abibi, Kërçiku, Turtulli, Imami, Hoxhallari, Maveje, Karabeci, Hasani, Kobina, Greca, Ngo. Trajner: Ardian Mema.
Partizani: Hoxha, Ibrahimi, Atanda, Belica, Idrizaj, Telushi, Mala, Asani, Duka, Mensah, Bardhi. Trajner: Skënder Gega.
Gjyqtar: Enea Jorgji
