Me anë të një komunikimi në media, bashkëshorti dhe djemtë e aktores kanë lajmëruar humbjen e të vetmes femër në familjen e tyre. Aktorja me origjinë argjentinase Christian Bach është ndarë nga jeta në moshën 59 vjeçare. Ajo humbi jetën si pasojë e një sëmundjeje në rrugët e frymëmarjes.
Aktoria është e njohur për shumë role në telenovelat Amerikano Latine, ku spikaste për rolet e saj antagoniste. Gjithashtu dhe bashkëshorti i Bach, Humberto Zurita është një nga aktorët e njohur që publiku shqiptar ka parë ndër vite në telenovelat meksikane. Djali i të ndjerës Emiliano Zurita është gjithashtu aktor. Ndër rolet e fundit të aktores kanë qenë tek ‘La Patrona’, ‘La impostora’.
