“Nuk më duhet fare (mbështetja e Ramës)”! Kështu është shprehur ish-ministri i Brendshmesh Saimir Tahiri në dalje të gjykatës së Krimeve të Rënda, ku u njoh me akuzat e Prokurorisë në çështjen ndaj tij.
“E keni mbështetjen e kryeministrit Rama, i cili po përcjell mesazhe për t’iu kërkuar falje”, u pyet Tahiri nga gazetarët.
“Nuk më duhet fare. Mua nuk më duhet mbështetja e askujt, më duhet vetëm e vërteta ime. Nëse ju nuk e kuptoni sa është e rëndësishme është kjo dhe sa e rëndësishme është beteja e një njeriu për të vërtetën e vetë. Dhe nëse ju mendoni se në këtë vend, duhet patjetër mbështetja e dikujt, duhet patjetër suporti i dikujt, duhet patjetër të jesh te sqetulla politike e dikujt, e keni gabim. Unë ja dal edhe pa këto, me çdo kosto dhe me çdo çmim dhe do ja dal”, tha Tahiri.
Akuzat ndaj Prokurorisë
Ish-ministri i Brendshëm Saimir Tahiri ka akuzuar se Prokuroria, krimi dhe politika janë të lidhura ngushtë me njëra-tjetrën.
“Akuza ishte më e rëndë. Ishte trafik droge krijim i grupit të strukturuar kriminal kryerja e veprave penale si grup i strukturuar kriminal. Pas Aldo Bares jam i dyti me këtë akuzë. Nuk kam ndonjë surprizë të madhe prokuroria e komanduar siç e nisi e bitisi”, tha Tahiri.
“Prokuroria e komanduar si e nisi ashtu e bitisi këtë hisotri. Pavarësisht nxitjes që kam nga brenda me këtë histori s’dua të merrem, dua të respektoj deri në fund drejtësinë derisa jam në këtë situatë. Kjo historia ime lindi si një proces politik dhe kur them i komanduar kam parasysh politikën, krimin e drejtësinë që janë aq bashkë siç është edhe, ati, biri dhe shpirti i shenjtë, s’janë nda ende dhe po e shoh”, shtoi.
/Boldnews.al/
Dosja Tahiri/ Prokuroria detyrohet të çojë dosjen për gjykim pa marrë provat e plota
