Analisti Fatos Lubonja theksoi se në një kohë kur ndërkombëtarët thonë se Shqipëria ka bërë hapa para, ne ndodhemi pranë autokracisë.
Lubonja i është përgjigjur deklarimeve të europarlamentarëve, që në deklarimet e tyre sot në Tiranë, sulmuan opozitën lidhur me vendimin për dorëzimin e mandateve dhe bojkotit parlamentar.
“ Sipas tyre, Shqipëria ka bërë hapa para, por kjo nuk është e vërtetë sepse ndodhemi pranë autokracisë”, tha Lubonja në emisionin “Të Paekspozuarit”.
Në vijim ai e cilësoi këtë moment që po kalon vendi si historic, duke shtuar se jemi në një udhëkryq, ose do ti hapim rrugën një regjimi autokrat dhe opozita do dalë jashtë loje, ose opozita mund të kthejë shpresën për të ndërtuar një qeverisje që i shërben njerëzve.
“Politikanët shqiptarë, kanë gjetur gjithmonë legjitimitetin tek të huajtë, fillimisht Bashkimi Sovjetik, Kina, pastaj SHBA.
Edhe opozita duhet të kuptojë se ka përpara një mision historik. A është në nivel opozita nuk e di, por kjo është e para gjë që them si njeri që di dicka nga historia e Shqipërise dhe kam ndjekur këtë kalvarin e ndërkombëtarëve.
Konflikti që duhet të kemi me ndërkombëtarët që erdhën është kjo, ata thonë jeni afër duke u integruar, por mos bëni këtë se prish negociatat.
Unë mendoj se nuk kemi bërë fare hapa para, por po shkojmë drejt një autokracie, në formën më abuzive që kemi parë.
Po qe se këta do ishin objektivë dhe nuk do kishin interesa të tjera, që nga interesat korruptive deri tek ato gjeopolitike, ata duhet të thoshin se kjo është një situatë që nuk duhet pranuar Shqipëria”, tha Lubonja.
