Analisti Mentor Nazarko tha në emisionin “Të Paekspozuarit” se eurodeputetët që erdhën në Shqipëri nuk janë hallka më e lartë e Bashkimit Evropian.
Më tej Nazarko deklaroi se është dakord të ketë një qeveri pajtimi pra një qeveri tranzitore për të zgjidhur krizën politike midis mazhorancës dhe opozitës në Shqipëri.
“Këta eurodeputet që erdhën në Shqipëri nuk janë hallka më e lartë në BE, këta bëjnë pjesë tek ajo zhurma që plotësojnë karakteristikën e shqiptarëve.
Ky vend varet nga BE ja për shumë aspekte për ekonominë, emigrantët, politikën. Nuk mund të sillemi si ai Haxhi Qamili. Në narrativën e opozitës po vihet theksi se nuk na duhen ndërkombëtarët, unë mendoj se duhen. Jam dakord me opozitën kur thotë se duhet të luftojmë krimin.
Jam dakord që të ketë qeveri pajtimi ose tranzitore për të zgjidhur krizën politike në Shqipëri. Nuk kam asnjë dilemë me këtë propozim. Të prishesh me ndërkombëtarët se nuk përkrahin atë që thotë opozita më duket pa kuptim,”-deklaroi Nazarko
