Nga Boldnews.al
Ministrja e Infrastrukturës dhe Ekonomisë, Belinda Balluku njoftoi zyrtarisht përmes një deklarate se qeveria ka vendosur “Shtyrjen e afatit të hyrjes së fuqi, nga data 28 shkurt 2019, që ishte më parë, në 31 dhjetor 2019”.
Kjo nënkupoton se tani e në vijim do të vijojë të lejohet importi i mjeteve të prodhuara para vitit 2008. Por, një tjetër ndryshim i miratuar sot, është edhe afati i lejuar për zhdoganimin. “Parashikohet të lejohet zhdoganimi i mjeteve që kanë hyrë deri në 31 dhjetor 2019”- tha Balluku.
Ajo që ka ndodhur me importin e automjeteve para datës 2 dhjetor 2018, (moment kur hyri në fuqi ligji që nuk lejonte futjen e makinave të prodhuara para vitit 2008), në doganat tona kishte një numër të madh automjetesh që ishin porositur, por për arsye të ndryshme nuk u zhdoganuan në kohë.
Automjete u bllokuan dhe qëndruan aty me argumentin se ligji ka hyrë në fuqi dhe mund të zhdoganohen vetëm në rast të një udhëzimi. Ky udhëzim mbërriti vetëm sot, por qytetarëve do u duhet të paguajnë rreth 500 mijë lekë të vjetra për parkimin e atyre automjeteve të bllokuara në doganë.
Burime konfidenciale shprehen se enkas nuk ka dalë ky udhëzim i ri në kohë, për të rritur sa më shumë tarifën që qytetarët duhet të paguajnë për parkimin, e cila zotërohet nga një kompani kinçensionare.
Qytetarët e interesuar janë njoftuar se nëse një automjet është futur në fundin e nëntorit të vitit të kaluar, do të paguajë tarifë ekstra vetëm për parkimin, shumën prej gjysëm milioni lekë, pa llogaritur më pas tarifën doganore dhe shpenzimet e tjera për tu pajisur me dokumentacionin e plotë.
Kjo lloj “vjedhje” me ligj, rëndon drejtëpërdrejtë qytetarët, dhe në pamundësi për të paguar faturën ekstra qeveritare, një pjesë do të detyrohen të braktisin këto automjete për shkak të tarifave të larta të parkimit.
