Në Kanada, më shumë se 500 mjekë dhe banorë, si dhe mbi 150 studentë mjekësorë, kanë nënshkruar një letër publike duke protestuar për rritjen e pagave të tyre.
Ndodh edhe kështu, pasi jetojmë në një botë ku për për vende si Shqipëria është e paimagjinueshme të protestohet publikisht nga një shtresë e caktuar që përfiton, por mendon se kjo nuk është e drejtë pasi penalizohet pjesa tjetër e shoqërisë.
“Ne, mjekët e Quebecit që besojnë në një sistem të fortë publik, kundërshtojnë rritjen e pagave të fundit të negociuara nga federatat tona mjekësore,” shkruhet në letrën e tyre publike.
Grupi thotë se ata ndihen të ofenduar për rritjen e pagës, kur infermieret dhe pacientët po hasin vështirësi.
“Këto rritje janë tronditëse, sepse infermierët tanë, nëpunësit dhe profesionistët e tjerë përballen me kushte shumë të vështira pune, ndërsa pacientët tanë jetojnë me mungesën e qasjes në shërbimet e kërkuara për shkak të shkurtimeve drastike të viteve të fundit dhe centralizimit të pushtetit në Ministrinë e Shëndetit”, shkruan letra, e cila u botua më 25 shkurt.
“E vetmja gjë që duket të jetë imune është shpërblimi ynë”, thotë letra.
Kanadaja ka një sistem shëndetësor publik i cili siguron “mbulim universal për shërbimet e kujdesit shëndetësor dhe të nevojshëm mjekësor, në bazë të nevojës, në vend të aftësisë paguese,” thuhet në faqen e internetit të qeverisë.
213 mjekë të përgjithshëm, 184 specialistë, 149 mjekë rezidentë dhe 162 studentë mjekësie duan që paratë e përdorura për rritjen e pagave të tyre, të kthehen në sistem.
“Ne mjekët e Quebec po kërkojmë që rritja e pagave që u jepet mjekëve të anulohet dhe që burimet e sistemit të shpërndahen më mirë për të mirën e punonjësve të kujdesit shëndetësor dhe për të ofruar shërbime shëndetësore të denjë për njerëzit e Quebecit”.
Një mjek në Kanada paguhet mesatarisht në një vit 260,924 $ (339,000 dollarë kanadezë) për shërbime klinike nga Ministria e Shëndetësisë së këtij vendi, sipas një raporti të Institutit Kanadez për Informacionin Shëndetësor, botuar më shtator 2017. Mesatarisht, mjeku i familjes paguhet 211,717 dollarë (275,000 dollarë kanadezë) dhe një specialist kirurgjie paguhet 354,915 dollarë (461,000 dollarë kanadezë), sipas të njëjtit raport.
Kostoja e shkollës mjekësore në Kanada subvencionohet nga qeverisjet lokale.
Kostoja ndryshon në varësi të faktit nëse një student është shtetas kanadez, banor i përhershëm ose student i huaj dhe nga specifika që ka shkolla. Për qytetarët kanadezë ose për banorët e përhershëm, shkollimi për vitin e parë të shkollës mjekësore varion nga 2567 dollarë (3,334 dollarë kanadezë) në 20,064 dollarë (26,056 dollarë kanadezë).
I njëjti grup, që publikoi letrën publike të lartpërmendur, gjithashtu botoi një letër më 17 shkurt duke kundërshtuar shifrën e akorduar prej 500 milionë dollarësh për rritje pagash për mjekët specialistë. Grupi e quajti rritjen e pagave “të pahijshme”.
Dhe më 1 shkurt, MQRP botoi një letër ku denoncoi kushtet e punës të infermierëve. “Infermieret janë të lodhur nga një ngarkesë e rëndë pune dhe argumentojnë se nga mungesa e stafit dhe lodhja e shkaktuar nga punë jashtë orarit të përsëritur, ndonjëherë e detyrueshme, për shkak të mungesës së zëvendësimit të ekipit, ka ndikim në sigurinë e kujdesit të pacientit”, thuhej në letër.
