Nënkryetari i Partisë Demokratike, Edi Paloka u ka bërë thirrje qytetarëve të marrin pjesë në protestën e sotme që organizon PD para parlamentit. Paloka tha për gazetaret në dalje të selisë blu se, seanca e sotme e parlamentit është ilegjitime.
Duke iu përgjigjur interesit të gazetarëve, ai foli edhe për deklaratat e ambasadorit të BE-së në Tiranë, Luigi Soreca.
“Siç e kam deklaruar që në mëngjes përhapjen më mënyrë ilegale për deputetët e mazhorancës, se seanca për të enjten do mblidhet sot në 17, është mbledhje që mblidhet në ilegalitet i një parlamenti ilegjitim. Ky parlament s’përfaqëson më jo vetëm popullin shqiptar, por edhe ata që kanë votuar PS-në. Sot, kanë kaluar në ilegalitet të plotë për të shpëtuar kokën politikisht të Ramës, ndërsa ai bën anti-miting, në parlament dërgon Taon dhe Spiropalin. Gjithë qytetarët e Tiranës që kërkojnë largimin e Ramës të jenë para parlamentit sot. Ne do vijojmë protestën sa herë të mblidhet parlamenti ilegjitim”, tha Paloka.
Akuzat e kreut të grupit parlamentar të PS-së Taulant Balla, se opozita nga frikë nga reformë në drejtësi, numri 2 i PD-së i quajti qesharake.
Ai u pyet nga gazetarët edhe për deklaratën e ambasadorit të BE-së në vendin tonë se “palët po tentojnë të ulen”.
“Protestat janë të qytetarëve, të gjithë duhet të shohin, ua ka thënë Basha, mos ti kërkojnë shqiptarëve asgjë për të cilën nuk e duan për qytetarët e tyre. Ky është qëndrimi ynë”, tha Paloka. /Boldnews.al/
https://www.facebook.com/partiademokratike/videos/342113146512063/
