Ndue Zefi, 37-vjeçari i cili akuzohet se ekzekutoi në makinë Martin Ndrecën, orët e para të 24 shkurtit në Durrës, është vetëdorezuar në Polici.
Mësohet se Zefi, i shpallur në kërkim policor, fill pas krimit, është vetëdorëzuar në Policinë e Shkodrës. Tanimë, nga forcat policore pritet transferimi i Zefit drejt Policisë së Durrësit për tu marrë në pyetje lidhur me krimin.
Krimi
Sipas policisë lokale, krimi ka ndodhur rreth orës 01:10 të mëngjesit të së të dieles në lagjen e ish-kënetës. Autori dhe viktima, banorë në lagjen ku ndodhi vrasja, dyshohet se ishin në një lokal në zonë ku janë konfiktuar mes tyre.
Konflikt, që sipas policisë, lindi për motive të dobëta. Në momentin që Ndreca del nga lokali dhe shkon në makinë për tu larguar, Ndue Zefi e qëllon me automatik duke e lënë të vdekur brenda mjetit. Policia ka gjetur disa gëzhoja në vendngjarje, ç’ka dëshmon se mbi viktimën është qëlluar disa herë.
Në makinë, ishte dhe djali i viktimës, i cili nuk është plagosur nga të shtënat. Pas ngjarjes, për disa orë, ai ka dhënë dëshminë e tij rreth asaj që ndodhi.
“Më datë 24.02.2019, rreth orës 01:10, në lagjen Ish Kënetë, shtetasi N.Z. 37 vjeç, për motive të dobëta dyshohet se ka vrarë me armë zjarri shtetasin M.N., 45 vjeç, banues në kete lagje. Autori i dyshuar pas krimit është larguar menjëherë dhe është shpallur në kërkim. Policia po punon për kapjen e tij. Grupi Hetimor në bashkëpunim me Prokurorinë e Rrethit Gjyqësor Durrës po punojnë për zbardhjen e plotë të rrethanave te kësaj ngjarje”, njoftoi zyrtarisht Policia. /Boldnews.al/
Vrasja në Durrës/ Detaje: Në makinë me viktimën ishte dhe… (FOTO)
