Pasiguria rreth së ardhmes së Mauro Icardit po rritet dita – ditës.
Ylli argjentinas raportohet se ka refuzuar ofertën e Interit prej shtatë milionë euro për vazhdimin e kontratës.
Agjentja e 27 vjeçarit, Wanda Nara, do të refuzojë zyrtarisht propozimin e Interit shkruan ‘Tuttosport’.
Marrëveshja e Icardit me Interin skadon në vitin 2020, dhe raportet e fundit pohojnë se ai është duke kërkuar qëndrimin në Itali, me një lëvizje drejt Juventusit që gjithnjë e më shumë po rritet.
Icardi është pjesë e Interit që nga viti 2013, dhe deri më tani ka shënuar mbi 100 gola.
