Ministri i Thesarit dhe Financave të Turqisë, Berat Albayrak deklaroi se këtë vit në vend do të hapen 2.5 milionë vende të reja pune.
Ministria turke e Punës, Shërbimeve Sociale dhe Familjare dhe Unioni i Dhomave turke të Tregtisë dhe Bursës (TOBB) organizoi një konferencë me titull “Mobilizimi i fuqisë punëtore 2019”.
Konferenca është mbajtur në Sallën e Konferencave të TOBB në Ankara ndërsa pjesëmarrësve iu drejtua edhe ministri turk i Thesarit dhe Financave, Albayrak.
Ai tha se qeveria turke është duke marrë një sërë masash në platforma të ndryshme për të mbështetur industrialistët, artizanët, ndërmarrjet e vogla dhe të mesme që më lehtë të përballen me sfidat që kanë sjellë proceset aktuale ekonomike në Turqi dhe në rajon.
“Sot jemi mbledhur në mënyrë që të korrim frytet e ndërtuara nga lidhjet e mira dhe sinergjisë në mes të sektorit publik dhe privat në vend. Ashtu siç paralajmëroi presidenti ynë kohët e fundit, këtë vit do të hapim deri në 2.5 milionë vende të reja pune”, tha Albayrak.
Duke theksuar se tregu i punës po kalon përmes një lloji të revolucionit, ministri Albayrak tha se vendi i tij me sukses ballafaqohet me të gjitha lojërat të cilat kanë tentuar t’ia imponojnë disa faktorë të huaj.
Ai tha se Partia për Drejtësi dhe Zhvillim (Partia AK) prej ardhjes në pushtet në Turqi kryesisht ka punuar në krijimin e vendeve të reja të punës. Albayrak thekson se ky është një rast që është miratuar edhe në programin e ri ekonomik.
Në dekadën e kaluar, në Turqi janë hapur 10 milionë vende të reja pune. Albayrak tha se qeveria do të vazhdojë të mbështesë programet e punësimit në vend.
