Nga Boldnews.al
Se si ngjajnë dy personazhe në dukje të ndryshëm, por me ideale partie të njëjtë, këtë vetëm Rilindja mund t’i bashkojë në një kauz. Më i fundit në lumin e rrëmbyeshëm të deklaratave fyese e kërcënuese është përfshirë Safet Gjici, president i Klubit të Futbollit Kukësi dhe njëkohësisht kandidat i shpallur i PS-së për kryetar bashkie.
“Ndryshe nga thape thupja që rron kot dhe merr rrogën për të gjujt njerëzit me baltë a me bojë, unë rroj me punën time dhe s’e dua politikën për rrogë apo për kocka si ky budallai i Kuvendit. Po shyqyr e mori vala e budallëkut kolektiv edhe këtë dhe s’do i’a shohim më bojën në atë Parlament që e kishin kthyer në nevojtore. Kurse Kukësin do ta shohim në qershor dhe thape thupes i them: ‘hajde trim dhe tregoja kuksianëve Dothjen që ke për Safet Gjicin’. Kjo është një pjesë e reagimit të idhtarit të Edi Ramës, Safet Gjicit.
Duke iu referuar Edi Palokës që deklaroi se në dosjen 339 partnerët ndërkombëtarë kanë kapur në përgjime telefonike Gjicin për aferën e blerjes së votave, ky i fundit i është kthyer me gjuhën e kryeministrit, por me fjalorin e një tjetër personazhi interesant, Rexhep Rrajës, djali i deputetit socialist Rrahman Rraja. Djaloshi që e shprehte “dashurinë” me djegie cigaresh në trupin e së dashurës, grushta kokës dhe dedikim me plumba teksa dilte nga salla e gjyqit tha: “Luzim Basha të vijë dhe le ta provojë në zgjedhje”…
Ai tha një të vërtetë të madhe, nën pastërtinë që ia ofron pushteti. Aty tregohen burrat e vërtetë, kush siguron më shumë vota, nën presion, shantazh, blerje dhe allishverishe të tjera. Dhe nuk kishte si të mungonte as Safeti në këtë “stinë shantazhi”. Te jesh “thuthuq”, siç e konsideron kryeministri, apo thape-thup që e cilëson Gjici, nuk është krim, e aq më pak arsye për tu marrë me kundërshtarin.
Por politika jonë ka njohur edhe më shumë fyerje e kërcënime sasa këto që po ndodhin. Ajo që vret, tremb dhe të nxit shqisën e alarmit, është forma e hapur e shantazhit në prag zgjedhjesh. Aty, për një muaj, apo një ditë, kur sovrani dyndet në kutitë e vitimit, armata e Rilindjes është në aksion.
Shfaqet Rexhepi, Safeti, Gjushi, Niçja, Diku e Daku… Një muaj punë e katër vjet para dhe pushtet. Katër vjet biznese me tendera shumëmilionëshe për Safot me shokë, katër vjet trafik dhe mbështetje për Dikë e Dakë, katër vjet qejf, seks e dhunë për Xhepët… Edi, rri i qetë, t’i vërtetë i merr zgjedhjet edhe kur shumica nuk ta jep, filozofitë e Niçeve të Rilindjes ta mundësojnë këtë.
