Myslim Murrizi nuk ka dorëzuar mandatin e deputetit, ndërsa shkeli një vendim politik të strukturave dhe forumeve më të larta drejtuese të PD-së.
Një ditë më parë, Kryesia e PD vendosi të shkarkojë Murrizin nga të gjitha funksionet, ndërsa vetë deputeti i Qarkut të Fierit, ka shpjeguar se nuk ka dorëzuar mandatin pasi është një proamerikan dhe ish-student i Dhjetorit.
Së fundmi gazeta Panorama ka publikuar foto të deputetit Murrizi me dy nga ligjvënësit socialist, Adnor Shameti dhe Jurgen Çyrbja.
Nga fotot publikuara, duket se Murrizi ka raporte mjaft të mira me dy deputetët e Rilindjes, madje po bëjnë shaka njëri me tjetrin. Sipas gazetës, fotot i përkasin 10 ditëve të fundit, kohë kur PD kishte paralajmëruar nisjen e protestave me synim rrëzimin e Edi Ramës.
