Ish-kryeministri Sali Berisha, ka publikuar mbrëmjen e sotme një tjetër denoncim të qytetarëve shqiptarë, të cilët akuzojnë kryebashkiakun e Tiranës, Erjon veliaj se po u vjedh pronat.
Në postimin e tij në Facebook, ish-kryeministri ka publikuar edhe fotot nga prona të cilën qytetarët pretendojnë se po u vidhet nga Erjon veliaj.
Ja çfarë shkruan Berisha në Facebook:
Shikoni si i grabitet prona qytetarit nga mafia shteterore Lal Plehu dhe klientela!
Lexoni denoncimin e pronarit qe po i grabitet prona. sb
Përshëndetje Z.Berisha.
Kërkoj ndihmë nga ana juaj për verifikimin e kryerjeve te veprimeve dhe punimeve të paautorizuara mbi pronën e ndodhur në rrugën “Medar Shtylla” ngjitur me rreth rrotullimin te “Komuna e Parisit”. Për arsye përfitimi jo të ndershëm është bërë një rrethim i paautorizuar i pronës pa marrëveshje sipërmarrjeje me bashkëpronarët nga Luan Bregasi në bashkëpunim me Erion Velinë me qëllim ndërtimin e një pallati. Në emër të bashkëpronarëve kërkoj ndihmë që të ndalohen të gjitha veprimet e paligjshme në dëm të kësaj prone dhe vjedhja e saj prej nesh nga personat e lartpërmendur. Për këtë truall kemi dhe foto ku dallohet lehtësisht bllokimi i tij me shirita dhe polici private.
Me respekt, pres reagim urgjent nga ana juaj.
Bashkëpronare me prokurë, N.S.