Zëdhënësja e Partisë Demokratike, Ina Zhupa është në pritje të fëmijës së saj të parë.
Ndonëse arriti ta mbante të fshehtë për gjashtë muaj, pas bërjes publike nga Balkanweb, Zhupa konfirmon për Politiko.al se është 27 javëshe shtatzënë.
“Për 27 javë e kam fshehur me sukses deri në mbledhjen e fundit të Kryesisë kur u duk barku”, tregon me humor e kontaktuar nga Politiko, Zhupa.
Zëdhënësja simpatike e PD tregon se detaji që kishte tërhequr vëmendjen e personave rreth saj, ishte moslyerja e flokëve së fundmi.
E pyetur nëse do ndikojë shtatzënia në angazhimin e saj në politikë, Zhupa shprehet se do jetë akoma më shumë aktive. Shtatzënia e zëdhënëses demokrate, siç duket do ndikojë pozitivisht për kalimin e situatës aktuale politike.
