Kryeministri Edi Rama, në vijim të turit të tij për ‘Bashkinë që Duam’, ka tentuar sërish tu shesë shqiptarëve idenë se mos-hapja e negociatave edhe për këtë viti vjen për shkak të fajit të opozitës dhe qytetarëve shqiptarë.
Në një kohë që të gjitha raportet ndërkombëtare flasin për një Shqipëri të pushtuar nga droga dhe korrupsioni, për një pushtet të vjedhur e të blerë me para të pista, Rama tha para qytetarëve të Përmetit se protestat e ditës së Shtunë ku u dogj ‘Kërpudha kryeministrore’ janë shkaku i ngeljes sërish në klasë të Shqipërisë.
‘Shpresoj shumë që ngjarjet që kanë ndodhur së fundmi mos dëmtojnë popullin e Përmetit. Ato pamje të eksportuara nëpër botë nga ajo e shtuna ku u predikua dhunë, duke nxitur disa qorra ti binin me kokë murit të kryeministrisë, janë pamje që dëmtojnë jo Shqipërinë, por çdo njeri që ka vendosur të jetojë në këtë vend. E dëmtojnë drejtpërdrejtë edhe rrugëtimin tonë Europian. Cili shqiptar me mend në kokë pavarësisht bindjeve politike, mund të pranojë që sot në 2019-n Shqipëria të kërcënohet nga fantazmat e 1997-s’, deklaroi Rama.
