Kryetari i Partisë Demokratike, Lulzim Basha ka folur për mediat pas mbledhjes së kryesisë, ku ka treguar vendimet që janë marrë.
Basha tha se në mbledhje u diskutua për vijimin e aksionit opozitar në ditët në vijim, ku deklaroi se do të vijojnë protestat në të gjithë vendin.
Një tjetër vendim i kryesisë ishte dhe shpalosja e programit të PD-së për të gjithë qytetarët shqiptarë.
‘Kryesia e PD është ,mbledhur sot për të marrë vendime për aksionet e ardhshme pas djegies së mandateve. Vendimi i pari i kryesisë ka të bëjë me një kalendar protestash popullore në të gjithë vendin dhe në Tiranë. Ditët në vijim do të nxjerrim datat për protestat popullore.
Është marrë një vendim i rëndësishme për ngritjen e shtabeve politike dhe organizative në nivel qëndro, ku në bashkëpunim me partitë e tjera do të bëjmë të mundur protestat në të gjithë vendin.
Kryesia ka vendosur edhe për shpalosjen e alternativës së programit tonë me të gjithë grupit e interesit. Ne do ti japim Shqipërisë vizionin tonë, me bindjen se Shqipëria do të ketë një të ardhme europiane. Bashkë me qytetarët do të marrim vendime se si do të jetë kjo e ardhme, për arsimin, e anulimit të konçensioneve korruptive në shëndetësi, politikat tona për pensionet, biznesin, zhvillimin e ekonomisë, pra bëhet fjalë për një tur protestash dhe një tur programi. Janë marrë vendime të tjera për fuqizimin e PD-së, për zgjedhjet e ardhshme’, deklaroi Basha.
