Tensione në kufirin midis Venezuelës dhe Brazilit, ku dy indigjenë Pemon u vranë nga ushtria Venezuelës në fshatin Kumarakapay, pranë kufirit me Brazilin. Lajmin e bën me dije deputeti venezuelian Americo De Grazia, anëtar i Asamblesë Kombëtare. Një nga viktimat është një grua, Zoraida Rodriguez. 14 persona të tjerë u plagosën, 3 prej tyre në gjendje të rëndë.
Përleshjet shpërthyen pas urdhrit të dhënë nga Maduro për të mbyllur kufirin, për të parandaluar hyrjen e ndihmave humanitare nga Brazili.
Popullsia indigjene e fshatit venezuelian Kumarakapay, përgjatë rrugës kryesore që lidh të dy vendet në Amerikën Latine, kundërshtuan mbylljen e kufirit dhe morën peng një gjeneral të Gardës Kombëtare të Venezuelës, José Miguel Montoya, veprim që solli kundërpërgjigjen e ushtrisë: 2 persona u vranë dhe u plagosën 14 të tjerë. /Boldnews.al/
He aquí 3 de los heridos de #Kumarakapay en #SantaElenaDeUairen con las balas asesinas del #Usurpador #22Feb #Bolivar pic.twitter.com/viVtDDslZi
— Americo De Grazia (@AmericoDeGrazia) February 22, 2019
