Nga Elton Laskaj
Vendimi historik i Partisë Demokratike për të djegur mandatet, është tregues se kjo forcë politike ka vënë Shqipërinë mbi partinë e këtë nuk kanë si ta kuptojnë ata që për 70 vite, bënë të kundërtën.
Turmat e mëdha të njerëzve dhe rizgjimi i Partisë Demokratike, janë tregues i qartë se shqiptarët kanë shpresë dhe kjo i tmerron ata që prej 2013-s, janë duke punuar për shpopullimin masiv të Shqipërisë.
Jo pa neveri, pashë se si një deputet i Lushnjës, i zgjedhur si deputet në listë, u shpreh se nuk e dorëzon mandatin, madje shprehej se ishte dhe student dhjetori.
Të jesh student dhjetori dhe t’i shpërbesh bijve të atyre që studentët e dhjetorit rrëzuan, është paradoks i madh.
Zoti Murrizi! Sot studentët e dhjetorit dhe studentët e rinj të nëntorit, i kishe në shesh dhe në bulevard.
Ti nuk je i vetëm në Partinë Demokratike. Për fat të keq, ka disa që aty vetëm kanë përfituar duke vegjetuar, por ti nuk je as shpresa dhe as e ardhmja e Partisë Demokratike.
Forca e Partisë Demokratike, janë ata burra e gra, që në ditët më të vështira, nuk e tradhetuan.
Në protestën e 16 shkurtit, morën pjesë edhe 80 vjeçarë, ndërsa zotrote, nuk u duke ose ishe strukur në kafenetë përballë Kryeministrisë.
Ata 80 vjeçarë, nuk dolën aty për vete, as për fëmijët, por për nipërit e mbesat, që të mos i degdisin rrugëve të Evropës.
Ai mandati yt nuk është patericë, pasi nuk ka patericë që mban këtë qeveri të rrënuar në themel, që po nuk u shemb, do të rrënojë Shqipërinë.
Vota jote nuk do t’i shërbeje satrapit të Surrelit, pasi ajo votë vetëm ka treguar se sa të vlen lëkura TY.
Atë mandat, ti e ke të dhuruar, nuk e ke të fituar, ndaj nëse ke këllqe, dil i pavarur dhe provo të fitosh.
Sot Lulzim Basha, tregoi se e ka merituar besimin e demokratëve, të cilët do të vijojnë ta mbështesin në betejën e tij për ta bërë Shqipërinë si gjithë Evropa.
